التصنيف: المصطلحات و الأمثال الشعبية المحلية

بالقلب محفورة … وأبد .. مالها منسية ..

بوجودها أعراسنا هنيّة …

وليالينا " بالليليش " غنيِّة ..

بالصيف .. ما أحلاها ..

وبيكتر … فيّو .. صداها ..

سبحان من سوَّاها ..

وميزة أهل الشام خلاَّها ……

كل بلد إلو طباعو …… ومواويلو …

والفرحة ملوّنة ……. ولكل واحد تهاليلو ..

وهَيْ فرحة أصليّة .. والله بالتَّمام شامية …

بلون السكر و الياسمين مضوية ..

بتنعنشْ الروح .. والأذن منها مروية …

وبعدها قلوب العشَّاق .. من الحسرة " مشوية " ..

الكل لا بد وسمعها ..

عل البلكون أو بالتلفزيون حضرها …

بباب الحارة …

الخوالي ..

وبليالي شامية … شافها وشاركها …

… وهَي أحلا زلاغيطنا المشهورة …

و بالفصحى بتتسمى " زغاريدنا " المعمورة …

جعل ربي أيامنا بالصحة والفرح …مغمورة …….

للأفراح عند النسوة الدمشقيات زغاريدها، وللزغاريد اسم في اللهجة الشامية هو "الزلاغيط"،
ومفردها "زلغوطة".
والزلغوطة ترديد جماعي بأصوات نسائية مسبوقة بعبارة "أوها" وملحوقة بـ "لي لي لي لي ليش"، وهي تقال بأصوات عالية وبنغمة واحدة لا تتغير. ومن الزلاغيط المعروفة في دمشق:

· أوها ……. عاللعلعي عاللعلعي
أوها ……. ويا صبايا تجمعي
أوها ……. ويا ليل طول طول
أوها ……. ويا شمس لا تطلعي
وللللللللييييييييش

· أوها ……. صلوا عالنبي
أوها ……. وزيدوا صلاتو
أوها ……. واللي مابيصلي عالنبي
أوها ……. تطق مرارتو
وللللللللييييييييش

· أوها ……. طبخنا مجدرة
أوها ……. وجللناها بالبصل
أوها ……. واللي مابيحبنا
أوها ……. على بيتو مابيصل
ولللللللللييييييييييش

· أوها ……. وديارنا كبيرة
أوها ……. ودرج الحمام فيا
أوها ……. وأم العريس فرحانة
أوها ……. الله يهنيها
وللللللللييييييييش

· أوها ……. وبناتنا مخباية
أوها ……. ورجالنا مرباية
أوها ……. واجهازنا عالموضة
أوها ……. سجادة ومراية
وللللللللييييييييش

· أوها ……. (اسم العريس) يا واحد
أوها ……. (اسم العروس) ياتنين
أوها ……. وخرزة زرقا
أوها ……. ترد عنكون العين
وللللللللييييييييش

· أوها ……. وكسرنا بيضة
أوها ……. وطلعت بصفارين
أوها ……. وكل الناس بفرحه
أوها ……. ونحنا بفرحتين
ولللللللللليييييييييييش

· أوها ……. وامشي دئا دئا
أوها ……. يا صنوبر منقّى
أوها ……. كل الفرحات بطالة
أوها ……. إلا فرحتنا من حقا
وللللللللييييييييش

· أوها ……. وساوينا مجدرة
أوها ……. وطلعت مدردرة
أوها ……. واللي مابحبك ياعروس
أوها ……. يقعد بسفل الطنجرة
ولللللييييييييييش

· أوها ……. ياخوخ بغبارو
أوها ……. ويا ورد بزرارو
أوها ……. واللي مابيحبك ياعريس
أوها ……. لتنخرب ديارو
وللللللييييييييييييييش

· أوها ……. أم العروس الله يعطيكي..
أوها ……. والسعادة بتواتيكي..
أوها ……. وعئبال فرحتك بالكمالة..
اوها ……. وبنجي بنكافيكي..
وللللللللييييييييش..

· أوها ……. الدهب بقفاصو
أوها ……. والألماس بجراصو
أوها ……. واللي بياخد من بناتنا
أوها ……. بيمشي وبيرفع راسو
وللللللللللييييييييش

ولأم العريس:
أوها ……. أم العريس أنا جوعانة..
أوها ……. وبدنا صفيحة مأمَّرة..
أوها ……. وإنشالله بتضلي سالمة..
أوها ……. وديارك معمرة..
وللللللللييييييييش

أوها ……. يا عريس لا تعبس..
أوها ……. فريد البئجة والبس..
أوها ……. شواربك عروء الريحان..
أوها ……. وسوالفها عروء النرجس..
وللللللللييييييييش

أوها ……. يا جماعة كلكون
أوها ……. وما نسينا فضلكون
أوها……. واليوم عنا
أوها ……. وانشا الله بكرة عندكون
ولللللللللييييييييييش

· أوها ……. تشي بشي
أوها ……. وطبخنا محشي
أوها ……. نحنا بيت فلان
أوها ……. وبيلبقلنا كل شي
ولللللللللييييييييييش

· أوها ……. يا صحن رز بحليب
أوها ……. كل مابرد بيطيب
أوها ……. وكلنا أهليه
أوها ……. ومافي حدا غريب
ولللللللليييييييييييييش

· أوها ……. وياما أعدو جنبي
أوها ……. وياما حرقوا قلبي
أوها ……. وقالوا ( فلان ) مابيتجوز
أوها ……. تجوز ونصرني ربي
وللللللللييييييييش

أوها ……. يا عريس ريتو مبارك
أوها ……. يا عريس السبع بركات
أوها ……. إنشالله لما يجيك الصبي
أوها ……. بتكمل الفرحات
وللللللللييييييييش

أوها …..ام العروس الله يعطيكي..
أوها…. والسعادة بتواتيكي..
أوها….. وعئبال فرحتك بالكمالة..
اوها…. وبنجي بنكافيكي..
ليليليشششش..

وجوات العرس هدول الزلاغيط:
أوها… سعيد يا واحد..
أوها… محمد يا اتنين..
أوها… واللي ما بيصلي عالنبي (اللهم صلي على سيدنا محمد)
أوها… يعدم العينتين..
ليليليليييييش

وهي زلغوطة ام العروس او ام العريس
أوها… يا جماعة كلكون
أوها… وما نسينا فضلكون
أوها… واليوم عنا
أوها… وانشا الله بكرة عندكون
ليليليلييييييييش

اوها… ويا صحن تين
اوها… ومجلل بالياسمين
اوها….وعروستنا زغيره
اوها… وما طبقت العشرين
ليليلييييييييييش

اوها… جبتلك الطرحة طية على طية
اوها… طية من الشام وطية شغل ايدي
اوها… طللي من الشباك وقولي بخاطرك ياخييّ
اوها.. ..انا غريبة ابئو طلو عليي
وليليليلييييييييييش

اوها… على شجرة بيتنا في رمانة
اوها… حامضة ولفانة
اوها… وحلفنا مانئطفا
اوها… الا لتتجوز(فلانة) بالسلامة
وليليليليييييييييييش

اوها… وياما ئعدو جنبي
اوها.. وياما حرئو ئلبي
اوها… وئالو ( فلان ) مابيتجوز
اوها… تجوز ونصرني ربي
وليليليليييييييييش

اوها… يا عريس ريتو مبارك
اوها… يا عريس السبع بركات
اوها… انشالله لما يجيك الصبي
اوها… بتكمل الفرحات
ليليليلييييييييييييش

اوها… وامشي دئا دئا
اوها… يا صنوبر منئى
اوها… كل الفرحات بطالة
اوها… الا فرحتنا من حئا
ليليليليييييييييييش

اوها… وبناتنا مخباية
اوها… ورجالنا مرباية
اوها… وجهازنا عالموضة
اوها… سجادة ومراية
ليليليييييييييييييش

اوها… (اسم العريس) يا واحد
اوها… (اسم العروس) ياتنين
اوها… وخرزة زرقا
اوها.. ترد عنكون العين
ليليليلييييييييييييش

اوها.. وديارنا كبيرة
اوها… ودرج الحمام فيا
اوها.. وام العريس فرحانة
اوها.. الله يهنيا
ليليليليييييييييييييش

– تقال للعروس:

اويها .. ياعرق الماس..

اويها .. ومشكول بالراس..

اويها .. وعروستنا حلوة

اويها .. وصلو على النبي يا ناس..

– تقال للصبايا:

اويها .. على الهدى الهدى..

اويها .. وما كل الصبايا سوى..

أويها .. ويا صبايا عيلتنا..

اويها .. و شوارب اباءكم تلعلع بالهوى..

ليليلييييييش

الزلاغيط الحمصية
—————
تشبه الزلاغيط الدمشقية مع فرق جوهري .. إذ تُستخدم كلمة "هاها" بدل "أوها"

هاها يا عرق ألماس هاها مشكول بالراس
هاها وهاد فلان هاها صلوا ع النبي يا ناس
لي لي لي ليش

هاها قامت فلانة على حيلها هاها هرّ الياسمين من ذيلها
هاها لا تلومونا ياناس هاها فلانة ما عنا غيرها
لي لي لي ليش

هاها يا صحن حليب هاها وكل ما برد بيطيب
هاها كلنا أهلية هاها ومافي حدا غريب
لي لي لي ليش

هاها طبخنا بامية هاها وكثرنا الأدامة
هاها الـ بيحبنا أهلا وسهلا هاها واللي ما بدو مع السلامة
لي لي لي ليش

هاها طبخنا محشي هاها والرز بقلبو بيمشي
هاها ونحن بيت فلان هاها بيلبقلنا كل شي
لي لي لي ليش

هاها طبخنا ملوخية هاها وصبيناها بالصينية
هاها شبابنا يا الأمراء هاها وبناتنا يا الملوكية
لي لي لي ليش

هاها شو هالنهار الرايق هاها فرحت معنا الخلايق
هاها طقت قلوب الأعادي هاها لمّن حقت الحقايق
لي لي لي ليش

أكمل الله ليالينا بالفرح والنور على طول ……