صينية كرات البطاطس المحشية بالدجاج

*********************

المقادير:

جبن موزريلا مبشور للوجه

لـ البطاطس:
من 3 إلى 4 حبات بطاطس متوسطة الحجم
1/2 ك بقدونس مفروم
1/4 ك كريمة خفق
فلفل أسود مطحون – ملح
ماي للسلق

لـ حشوة الدجاج:
شوية زيت
نص كيلو صدور دجاج
بصلة متوسطة
فصين ثوم
حبتين جزر متوسط الحجم
مكعب ماجي
فلفل أسود محطون – كمون مطحون – كزبرة مطحونة – ملح
1 م ك صويا سوس
بقدونس مفروم

لـ البشاميل:
50 جرام زبدة
ا م ك زيت
2 فص ثوم مهروس
3 م ك طحين أبيض
2 ك حليب سايل
3/4 ك كريمة خفق
فلفل أسود مطحون – ملح
1 ك جبن موزريلا مبشور

الطريقة:

لـ البطاطس:

نسلق البطاطس لين تصير ذايبة
بالغوا في مدة السلق لأنه كل ما صار البطاطس ألين كل ما كانت ألذ

بعد ما نسلقها نشخلها من ماي السلق ونتركها تبرد شوي
بعدين نهرسها بـ شوكة, إذا كانت مسلووقة واايد راح تنهرس بكل سهولة
نضيف لها كريمة الخفق + الفلفل الأسود المطحون + الملح .. ونكمل هرس
نعتمد على الذوق في تقدير الملح والفلفل نضيف البقدونس المفروم ونهرس

لـ حشوة الدجاج:

نقصص صدور الدجاج لـ مكعبات صغيرة جدًا جدًا
أحسن قطعوها واهيه شبه مثلجة يصير تقطيعها سهل ومرتب
نقصص البصل لـ مكعبات صغيرة
بـ المقلاة .. نسخن شوية زيت وبعدين نحط عليه البصل مع رشة ملح
نقلب لين يصير البصل شفاف بدون ما يشقر عقب نحط عليه الدجاج

نقلب الدجاج مع البصل هلى نار متوسطة حتى يصير أبيض ويبتدي ماايه ينشف
نهرس الثوم ونضيفه للدجاج قبل لا ينشف يعني يكون رطب شوي
و نخليه على النار هادية
نضيف الماجي والملح والبهارات والصويا ونقلب كل شي مع الدجاج و
كمية البهارات والملح نعدلها حسب الدوق

نبشر الجزر ونضيفه للدجاج ونقلب

لما يذبل الجزر وينضج الدجاج و نطفي النار
ونضيف البقدونس المفروم

لـلبشاميل:

نحط مقدار الزبدة والزيت على النار لين تذوب الزبدة
نضيف كمية الطحين ونخليهم شوي يتحمصون تحميص خفيف جدًا

نشيل القدر عن النار ونبتدي نضيف كمية الحليب بـ التدريج
لازم يكون الحليب دافي أو حار وما نضيف مرة وحدة
نحط شوي ونخلط لين يندمج مع الطحين و نضيف كريمة الخفق ولازم تكون دافية أو حارة نضيفها بـ التدريج
بعدها نضيف الثوم المهروس والفلفل الأسود المطحون والملح
ممكن تضيفون فلفل أبيض مطحون أو أي نكهات تحبونها
نرجع القدر على النار
نخليه ختى يثقل مع التحريك المستمر
نطفي النار عن البشاميل بعد ما يجهز ونضيف الموزريلا
نحركها معاه واهيه بـ تذوب مع الحرارة

ناخذ شوية من البطاطس بـ يدنا وعقب نحشيه بـ حشوة الدجاج و نكوره.

نوزع الموزريلا على الوجه .

نصبّ البشاميييل عليهم
وندخل الصينية الفرن من تحت لين تاخذ لون وبعدين نشغلها من فوق
لغرض تحمير البشاميل بس