كيفية صنع الديول

سيداتي وخصوصا ربات البيوت رمضان على الأبواب وأغلب أرباب البيوت والأطفال يحبون الديول الذي يزين قعدات وموائد رمضان
سأعطيكم طريقة ناجحة وأكثر من ذلك فطعمها روووووعة واحسن من الديول التي تباع بالمحلات صدقوني لأنها متبقاش فيها قطرة زيت بعد القلي
على عكس التي تباع يعني مايرفدوش الزيت ابدا
نحتاج فقط فرينة وماء وملحومانطيبوهش على النار مباشرة بل على البخار
الفرينة حسب الحاجة انا درت غرفية جاتني تقريب 20 حبة
المهم خلطي المكونات جيدا حتى تتحصلي على عجينة سائلة كيما ليكراب أو البغرير
ويلا بغيتي تخلطيها فالخلاط الكهربائي ولا بالباتور ولا باليد المهم لي يساعدك
ديري قدرة بها ماء تغلي أو طاجين فيه ماء وكي يبدا يغلي حطي مقلاة تيفال فوقه أو طاجين المسمن واحكمي البانسو عمريه مليح بالعجينة ومرريه بانتظام وبحركة دائرية واحدة على المقلاة
ولابأس بدهن الطاجين بالزيت مرة على مرة اذا حبيتو
لكن غير بقطعة قماش او بانسو
الآن الحشو تحشوها بأي شيء متوفر عندكم مثلا أنا غليت الأرز وصفيتوا درتلو 2 علب تونة بالطماطم والكثير من الهريسة وحبة بيض و شوي فلفل اسود وشوي كمون وكرافس مقطع صغير
وجا ذوقها احسن مما توقعته… منقول