بعد باسم الله الرحمان الرحيم مرحبا بي بينكم هههههه اردت اليوم ان اطرح موضوع مضمونه ان يدخل كل عضو و يضع لنا الاطباق التي ياكلونها وكيفية السهر في مدبنته و لا ينسى ذكر المديتة بالتحديد لنتعرف مع بعض على تراث بلادنا ومناطقنا اريد تفاعل منكم وشكرا
حنا في جهة الغرب مستغانم اكييد الحريرة طيلة شهر رمضانو معها طاجين جلبان ولا برانية ولا زيتون ومعها بال فالكوشة كا يوم وكيفاش وخبز تاع الدار وقلي بطاطا كل يوم وهذا كلشي وذدا نسيت حجا قوليلي
و سابدا انا نحن في سطيف ايام قبل رمضان يكتظ السوق بالنساء تعرفون هههه الاواني ولا بد تلك هي الحلاوة تبدا المتعة من الساعة 2 مساءا تبدا التحضيرات كي تطلع فلاكاج تشم كل انواع الروائح الشوربة ….. طاجين الزيتون …كل انواع الاطباق التي تشتهيها قلبك مع الكاجوات تاع الكازوز من كل الاصناف وحتى الناس اللي تدي الاكل للحوامع و حنا في اول يوم نديرو الشوربة فريك زائد السلطة التي تتميز عن سائر الايام تلقا كل انواع الخضار فيها و تاني الكفتة اللي يعرفوها كامل الكازوز و الحميصة اللي نعيطولها حنا الشليطة القعدة تكون متميزة باللمة و الضحك وحتى السهرة كي يخلاص لفطور نتلموا على التلفزيون اللي نامل انوا يكون فالمستوى هاد العام من بعد الوالدين و الاخ يصليو التراويح و البنات يوجدو اللي نسميوها حنا سنيوت رمضان المتحوفة بكل انواع الفاكية و الحلو و هكدا وحنا صهرانين ل 12 الوحدة ساديبون وانتوما كيفاااااااااش باي لكم الخط
نحن في شلف ايام قبل رمضان يكتظ السوق بالنساء باه يشرو الاواني ههههههههههه من الساعة 2او3 مساءا تبدا التحضيرات تبداي تشمي الروائح الشوربة ….. طاجين الزيتون … حتى جوعي ههههههه كل انواع الاطباق في اليوم الاول نديرو الشوربة زائد السلطة والبوراك و طاجين الزيتون و في السهرة كي يخلاص لفطور نتلموا على التلفزيون و مبعد نشربو الاتاي مع الحلوة قلب اللوز و راكم عارفين هههههههه
