اخوتي انا موالفة نجيب معدل مليح (ماشي نفوخ )ومن خلال تجريبتي وزيد انا جوزت البيام قبلك
نقولكم حاجة متخليوش الوسط اللي تعيشو فيه يأثر عليكم ثانيا كما تكونو فالدرس انتابهو لكلش حلو ودنيكم مليح وديرو كراس خارجي دونو عليه الملاحظات خلال الدرس واي ابهام وغموض فالدرس سألو عليه الاستاد وكي تروّحو راجعو واش درستو وحضرو واش رايحين تضدرسو اتجنبو بزاف الثرثرة اثناء الدرس , خليو ارادتكم قوية للنجاح ومتعظموش الامور ومتستصغروهاش , ماتنساوش الدعاء أثناء الصلاة وخاصة الدعاء فالفجر وذكر الله راح يساعدكم بزاف , متعمروش راسكم بزاف بالمشاكل والله يأثرو انا جربت وننصح فيكم, متحكوش بزاف كي تعودو رايحين للقسم سواء باه تقراو ولا باه تجوزو الامتحان , كي يمدولكم ورقة الامتحان سميو بسم الله وقراو قران ودعيو ربي وبداو على بركته وقراو السيجي مليح ومتقلقوش الا معرفتوش حاجة جاوبو على الاسئلة الاخرى ورجعو للي معرفتوهش وبلعقل وباعصاب باردة تلقوها نشالله ومتتسرعوش باه تمدو ورقة الاجابة راجعوها مليح ومدوها على بركة الله , متستعملوش الانترنت بزاف لانها تأثر وأنا شخصيا أثرت عليا بزاف , نظمو وقتكم , وماتديوهاش غير قراية لالا هكا تاني تأثر مرة على مرة العبو ديفوليو شويا وضحكو هههه ومتخافوش ومترتكبوش لانو مجرد امتحان ويفوت واشربو الشاي ولا القهوة تاني يساعدوكم على التنبيه ,وربي راه معاكم والله يفتح عليكم فتوح العارفين ويذكركم مانسيتم والله يكرمكم بجودة وسرعة الحفظ والفهم والله يستر عليكم والله يشرحلكم صدركم وييسر لكم امركم والله ينورها عليكم واللهم لا سهل الا الدي جعلته سهلا انك تجعل الصعب ان شئت سهلا ربي يوفقكم ماتخمموش بزاف…….سلامي ليكم نشالله تعجبكم نصائحي وهي والله مجربة وحقا مفيدة …وكاين موضوع كتبتو انا منقبل فيه كدللك نصائح اللي يحب يطلع عليه فيه فوائد ………ايا سلام والله ندعيلكم من قلبي ومننساكمش ربي معاكم . البيام هي اجمل مرحلة فوتها في حياتي راهي رايعة تهزو منها غير الدكريات لمليحة
شكراا اختي على النصائح
مرسي لاشكر على واجب ربي يوفقكم
مشكورة على النصائح
شكراا اختي على النصائح.
مرسي على المرور لا شكر على واجب ربي يحفضكم
شكرررررررررر على النصائح
شكرا على النصاح جعلهاالله في ميزان حسنات
رسي ربي يحفضكم نشالله وربي يوفقكم هدا واجبي لاني نفرح كي تفرحو ونفرح كي تنجحو
الله يجعل مثواك الجنة
