كم احبك يا قسنطينة
قصيدة لاحمد طاهري الملقب بالزهراني يمدح فيها مدينة قسنطينةقسنطينة بهرتني من اول نظرة**بلاد الهمة والعلم ناسها ابطال
بين جبال مرفوعة نعت الزهرة**داخل بستان يجذب عقول الرجال
مدينة الجسورمن يقصدها يبرى**من الهم واتزول عليه الاعلال
نسيمها فواح بروايح طيبة عطرة**ارض العز والفخر والمجد والدلال
واللي يقصدها وايزورها اول مرة**ماعادش يصبرعلى زيارتها محال
بلد العلم والعلما نالت الشهرة**حبها راسخ في العقل والبال
واللي بقصدها خوتي ايدور يقرا**رب ايوفق للخير يسعى واينال
رجالها معروفين بالنيف والنعرة**اهل الجود والميعاد مزينهم بخصال
ارضها خصبة وجبالها زينة خضرة**وماءها طيب صافي عذب زلال
فتياتها زينات مثقفات تفهم واتقرا**غاية في الاخلاق وفي الجمال
شبابها ايمارس كل الاعمال الحرة**يحفظهم خالقي المولى المتعال
فيها شبان يدرسوا العشية والبكرة **يطلبوا في العلم زينين الفعال
مع ناسها اخي تحلالك السهرة**يا قاصدهم بالنية امورك تسهال
عين الباي يالاحباب ليها نظرة **وجبل الوحش وزيد رحبة الاجمال
وحي القصبة القديم عندو شهرة**فيه الصناعة والحرف معروف مزال
وسوق الخروب اذا زرتها اول مرة **ماعدتش تصبرعنها من المحال
وعين اسمارة ناسها زينين العشرة**يكرموا الضيف طيببين نعم الرجال
مساجدها مشيدة ياسر بالكثرة**رجالها في وقت الشدة ابطال
جامعة الاميرفيها طلاب ياسر تقرا**خرجت مدرسين نعم القدوة للاجيال
والجامعة المركزية هي الاخرى**مركزا شعاع للعلم عليها الاقبال
والكتاتيب وقت المساء مع البكرة **تعلم في كتاب الله الرب المتعال
فيها جسر سيدي مسيد ماننساهش بالمرة**عالي مرفوع مشدود بالاحبال
وجسر سيدي راشد صلب كالصخرة**ممر للسيارات والشاحنات يارجال
ربي يحفظ اهلها يرزقهم المسرة**يجود عليهم بالخير والبذل والنوال
وهده صور من مدينتي الحبيبة قسنطينة
قسنطينة قديما
شعار قسنطينة في الاستعمار
شعار قسنطينة بعد الاستعمار
وهده قسنطينة حديثا
ولا تقولو انني اهوى قسنطينة فقط احب كل ولاية لان كل ولاية لها طابعها الخاص
واحب وطني الام الجزائر
بصح باينة فهمتوني غالط من العنوان هههههههه
تقبلو مروري صديقة المنتدىشيماء
لنا ملتقى ان شاء الله
أحب الجزائر بلد المليون ونصف المليون شهيد
قصيدة روعة نحب قسنطينة بصح ماشي كيما تمنراست مشكورة شيماء
