اريد نصيحة

مرحبااااااااااااااااااااا
انا ادرس في الرابعة متوسط راني باغي نتحصل على
الاقل 16 في المعدل بصح مقدرتش
اعطوني نصيحة بليييييييييييز
وخصوصا ليجيبو 18و17 قلولي واش هي الطريقة
التي تستعملوها باش تتحصلوا على معدل مليح

اريد ردووووووووووود اين انتم
انا بحاجة اليكممممممممممممممممم

يا نجمة انا العام الماضي كنت في 4 متوسط ونتحصل على 16 الطريقة ساهلة ما تقتليش روحك بزاف في القراية حضري واش عندك غدوا وماكش تروحي من المدرسة تقراي لا ارتاحي تفرجي ولا كولي …. وحضري في الليل اما في الامتحانات ركزي رقبل الحفاظة ومحي كلش من راسك وخمي غير في المادة لخضي الدرس ولا اقريه 3 مرات ومبعد احفظي رؤوس اقلام والباقي نوضي في الصباح بكري على 5 راجعي وكي تروحي تفوتي نورمال ما تتخلعيش وما ديريش والو في راسك وتوكلي على الله وعلى نفسك واذهبي الى المدرسة وكولي الحلوة ماشي الشوينغوم لان يفاسي المعلومات وما تحكيش بزاف غير في المعقول وعندما تدخلي الى القسم اقري الدعاء اك تلقيه في الاخير واذكري الله وركزي وابداي في الاجابة في الورقة الخارجية وضعي جميع المعلومات ولما تتاكدي اكتبيها في ورقة الاجابة
الدعاء هو "اللهم اسالك فيمي حفظته واحفظه لي في وقتي حاجتي"
ملاحظة "المعلومة التي تخطر ببالك الاولى اكتبيها ولا تسمعي كلام الغير ربما تكون انت الصحيحة وتكتبي الاجابة بالخطا"
ارجو من الله سبحانه وتعالى ان يوفقك بمعدل 16 زتكوني من الممتازين ويحقق جميع امنياتك يارب
ااااااااااااااااامين

شكرااااااااااا لك اختي
بصح المشكل راني نحاول و مقدرتش
مين نجي بنحفظ منطيقش
عندك حلول اخرى بش نعملها في العطلة
ونتحصل على الاقل 15
فانت راكي مجربة منقبل ممكن تقوليلي الفصل 2 صعيب ولا ساهل
وشحال جبتي المعدل فيه
بالاضافة انوا في الفصل 2 نزيد نطيح في المعدل
والله راني خايفة

اين انتnina رديييييييييييييييييييييي علي

نعطيك نصيحة صغيرة بصح قيمتها كبيرة……….
ما تزيريش روحك في القراية………و كي يلحقو الاختبارات ماشي تقراي برك ادي مثلا من 5.00 الى 7.00 مساءا مراجعة ممبعد ريحي نص ساعة و على 8.00 ابداي بصح ما تنطلقيش بالقلق و لا بالتوتر ابداي غير بشوي…………. هادي بالنسبة للمواد تاع الحفظ………اما المواد العلمية قبل ما تبداي تراجعي اتفكري التجارب اللي درتوهم و ديريلهما تركيب تجريبي ممبعد حلي الكراس و شوفي اذا جبتيهم صحاح ………..لانو هاد المواد ماشي حفظ……..اما المواد الادبية اي اللغات شوفي اختبارات من النت و حليهم ……….هكذا ان شاء الله تنجحي مي عندي نصيحة مهمة……….عمرك ما ديري في بالك بلي لما تنوظي بكري الصباح للمراجعة راهي تعاونك………لانو النعاس يدمر و تنساي كامل المعلومات اذا احرصي على النوم و الاكل جيدا………..و دايما قولي الدعاء:
اللهم اشرحلي صدري و يسرلي امري و احلل كل عقدة من لساني يفقهها امري…و ايضا اللهم لا سهل الا ما جعلته سهلا و انت تجعل الحزن اذا شئت سهلا…………بالتوفيق اختي…..

انا ثاني اني حابة نجيب 17على الاقل لانني تحصلت على 16 فالافصل الاول

يا اختي نجمة انا في الفصل التاني جبت 16.17 صعيب شوية خاصة في الرياضيات والفيزياء والعلوم يا اختي لا كان جاتك حاجة صعيبة قوليلي باش نحلهالك ولا نشرحالك بالطريقة تعنا

يا اختي ساندي المراجعة في الصباح مليحة خير من في الليل لانو في الصباح ماكانش حتى حاجة تفكري فيها وجربيها وقوليلي بصح كل واحد والطريقة تاعو في الحفظ

شوفي نجمة معدلك 15 راه مليح
كنت انا نجيب 15/16 فالسيام
مي ديري في بالك تحافظي على مستواك هذا مكان
والصح مراهش فالبيام الصح راه فالباك
جامي يخلعوك لي يديو 18 خطراكش راكي ماديري فيها والو
شوي تركيز مع لبروف
لي يحب يدير حاجة يقدر
ماتعمريش راسك برك بحوايج خرى
ورايحة تكوني من الاوائل
وتنجحي ونفرحوا بيك
بالتوفيق