السلام عليكم اخواتي نتمنى تكونو كاااامل بخير
الحلوى نتاع اليوم كنت ذوقتها وعجبتني بزااااف والوصفة جبتها من عند اخت مختصة في الحلويات من العاصمة نشكرها بزاف نخليكم مع الوصفة
المقادير:
250 غ مرقرين, 500 غ لوز مقشر ومرحي لازم مايكونش غبرة, 6 بيضات, كاس تاي جلجلانية محمصة, كاس سكر عادي, 1 خميرة, فرينة, كمية من الجلجلانية, عسل, ليكسات, ناباج, حبات لوز للتزيين
الطريقة:
اولا نفصل صفار البيض ونحتفظ بالبياض
بالخلاط الكهربائي نخلط المرقرين مع السكر جيدا ثم نضيف الصفار ونستمر في التحريك ثم نضيف اللوز المرحي والجلجلانية المحمصة ونحرك ثم الخميرة والفرينة حتى نتحصل على عجينة متماسكة نشكل كويرات بحجم حبة الجوز نحطها في بياض البيض ثم الجلجلانية ونحط فوقها حبة لوز ونحطها في ليكسات كما هو موضح في الصورة :/ / نحطها تطيب في الفرن على درجة حرارة 180 درجة في هذا الوقت نسخن العسل ونخففو بماء الزهر لازم مايكونش ثقيل ولاخفيف يعني وسط ولما تطيب الحلوى نسقيها بالعسل وهي سخونة نحط في كل حبة ملعقة كبيرة ونخليها تبرد بعد ذلك نسخن الناباج او لاجولي وندهن الحلوى من فوق بالبانسو تعطيها لمعان وهذا شكلها النهائي وهنا عن قرب http:// صدقوني ذوقها اكثر من رااااائع نتمنى تجربوها واكيد راح تدعولي ملاحظة هذا الكمية تقطع تقريبا 65 حبة يعني كمية مليحة مناسبة للاعراس والمناسبات السعيدة </ B> </ I>
لكن أين الصورة ؟؟؟؟؟؟؟
صح اين الصورة شكرا
طريقة عمل و تحضير الجلجلانية
المقادير :
2كيلة كاوكاو اي فول سوداني مقشر و مطحون مو كثير
2/1 كيلة سكر
2/1 كيلة جلجلان محمص
بيض حوالي 2 الى 3 حبات
فانيليا
التحضير
نخلط كل المكونات ونلم العجينة بالبيض تدريجياحوالي 2 الى 3
ثم نفرد العجينة و نقطعها بالشكل اللي نحب انا هنا استعملت نجمة ثم نضعها في بياض البيض ثم الجنجلان الابيض و تخبز في الفرن لكن حذاري يجب ان يبقى ابيض حاولوا انكم ما تخلوها تحمر ثم توضع في العسل فور خروجها ثم توضع في الكاسات
الشكل النهائي
شكرا اختى على الوصفة الرائعة خدمتها بنفس الطريقة وتطلع هايلة
يعطيك الصحة
لا شكر على واجب اخت ام غيداء
