السلام عليكم يا اعضاء بوابة الونشريس ان شاء الله تكونوا بخير
اليوم جبتلكم طريقة عمل فلفل محشي ب la pate feuilletée
ان شاء الله تنال اعجابكم
نحتاجو فيونداشي قليها مع زبدة و ثوم و فلفل اكحل وملح
طيبي كاس روز + زوج كيسان ماء و شوية ملح
في صحن خلطي الفيونداشي و الأرز و المعدنوس و الثوم والفلفل اكحل و كمون و بيض
خلطي الكل مع بعض
نحتاجو فلفل، حليه بالجنب (غير شويه باه مايعييكش من بعد) ونحي الزريعة على ما تقدري. اغسليه و نشفيه
أحشي الفلفل بالخلطة
اقلي الفلفل في زيت سخون من الجهتين
حطيه على ورق مطبخ باه يمتص الزيت و كي يبرد قشريه
حلي la pate feuilletée مليح و قطعيها شرائح طوال و رقاق
لفي الشرائط على العجينة جيدا ستفيهم في مول ثم ادهنيهم بالبيض من الجهتين و حطيه يطيب في الفور حتان يحمار
اغسلي الطماطم جيدا و قطعيها
ضعيها في طاوة و اضيفي المعدنوس الثوم الملح الفلفل الاسود فلفل احمر ملح ورقة رند و كمون و زوج مغارف زيت و حطيها فوق النار تطيب
كي تطيب نحي الرند و ميكسي الكل حتى تتحصلي على صوص طوماط في قمة البنة
كي تحمار العجينة المورقة من فوق نحيها
قدمي الفلفل مع الصوص تومات و شهية طيبه
ماتنساوناش بدعواتكم
شكرا
مشكورة على الوصفة انها رائعة
لا شكر على واجب انتي الاروع
ولا اروع هبة الرحمان
احب الاطباق المتجددة والمتنوعة
مشكووووورة
يسعدني مرورك فاروق شكرا لك على التشجيع
جزاك لله خيرا
شكرا لك هبة على جديدك و على الموضوع المنسق و المميز
رمضانكم مبارك
شكرا اختي عل كل شيئ و نتمنا منكي كل جديد
السلام عليكم و رحمة الله تعالى و بركاته
الشكر الجزيل لك على الموضوع الجميل و المميز و بارك الله تعالى فيك و جازاك الله خيرا
مشكورة على الوصفة روعةةةةةةةةة.
بارك الله فيك.
بارك الله فيك.
