غريبة الكاوكاو
المقادير :
6 كيلات كاوكاو مرحي بالقشور ناعم
2 كيلات جلجلانية بيضاء مسخنة ومرحية ناعمة
2 كيلات سكر ناعم
2 ملاعق كبيرة فرينة
زبدة ذائبة قليلا كي نلم بها
حبيبات فضية
كيسات ورقية للطهي
التخضير:
نضع كلا من الكاوكاو والجلجلانية والسكر الناعم والفرينة ونلم بالزبدة حتى تتلم وتصبح عجينة متماسكة ثم نقوم بتشكيل العجينة على شكل كريات ونضعها في الكيسات الورقية الصغيرة ونطهيها في فرن معتدل الحرارة حتى تصفر قليلا وتقدم حسب الصورة
بالصحة و الهناء
امممممممممممممم
باينة بنينة بارك الله فيك
اممممممممممممممممممممممممممممممممممممممممممممممممم م شكراا
مشكورين على الردود الرائعة
بارك الله فيك
شكرا على مرورك
و الله مجربة مئة بالمئة
واستعملها كثيرا في الحلويات مثل التشارك و البحلاوة و المصيبحات و القنيدلات
و بصفتي بائعة للحلويات التقليدية و التي لأحضرها بنفسي
والله كل واحدة تاكل الحلوى تحلف بانه لوز ماشي كاو كاو
نبدأ على بركة الله
– ناخد الكاكاو الي يلا قشور و نبيتوه ليلة كاملة في عصير 4 حبات ليمون أو 5 حسب الحجم حت يتشمخ كامل ……………. …………………
– في الصباح ناخد الكاوكاو نضع ربع الكمية من عطر اللوز في قدر به 2 لتر ماء
– في الكسكاس نضع الكاوكاو و نضع أيضا ربع الكمية من عطر اللوز مع الكاوكاو
-نضع الكسكاس فوق القدر ونغلق
*** * هناك في الاسواق تباع قدو وكسكاس و غلاق من الزجاج الي نفورو طعام أي الك*** فيهم راكم عرفتوهم *
– و نخلوهم يفورو من ساعة لزوج سوايع
**** *حداري كل مرة و نرقبوا على القدرة بالاك تنشف نزيدو لماء *
-حتي الكاوكاو يولي شوية شفاف نوخروه و نخلوه ينشف
– ندخلوه للفرن و نراقبوه مزيان مالازمش ينحرق غير ينشف برك و يتغير لونو للوردي الفااااااااااااتح
-نخرجوه من الفرن و نخلوه يبرد
– نضعه في الخلاط ولا الطحانة كهربائية ولا robot و نضع كل العطرالوز التبقي و قشور الليمونات الي استعملنا لعصير تاعهم و نطحنوهم مزيان ومن هنا نستعملوه في الحلويات
**ممكن نخزنوه في المجمد نضعه في علبة من البلاستيك محكمة الغلق**
( علبة من الحجم الكبير عطر اللوز المر في 1 كغ من الكاكاو )
اتمنى انني فهمتك b1 و الاهم انكم فهمتوني très b1 و غادي تجربوها وتدعولي انشاء الله
__________________
شكرا لك الاخت اميرة الظلام على هذي العفسة ،وان شاء الله نجربها عن قريب
والله فكرة ما عني مانقول شوفي الجوز اقلبيهولنا بيستاش
عفسة شابة لازم نجربهاا
[IMG]://www.abolayan.com/upload//uploads/images/0569944524-adcc9a1c72.gif[/IMG]
يعطيك الصحة حنونة على الفكرة
سمعت بها من قبل وقالولي نتائجها مضمونة مئة بالمئة..
شكرا لك على هده الفكرة
شكرا لك كثيرا نتمنى انك تفيدينا بخبرتك في صنع الحلويات رايحة نكون دايما في انتظار نصائحك وأفكارك الجميلة ….ربي دوم صحتك ويسلم يديك
ان شاء الله اختي شكرا على المرور
*الطريقة الاولى:
المقادير
كيلو كاوكاو بلا قشور
4 او 5 حبات ليمون
روح او عطر اللوز
ناخد الكاوكاو المقشر و نبيتوه ليلة كاملة في عصير 4 حبات ليمون أو 5 حسب الحجم حتى يتغطى كلو
في الصباح ناخد قدرالكسكاس به 2 لتر ماء نضيفلهم ربع الكمية من عطر اللوز و في الكسكاس نضع الكاوكاو و نضع أيضا ربع الكمية من عطر اللوز معه نضع الكسكاس فوق القدر ونغلق
و نخلوهم يفورو من ساعة لزوج سوايع
حداري كل مرة و نراقبوا القدر إلا نشف نزيدو لماء
حتي الكاوكاو يولي شوية شفاف نحوه و نخليوه ينشف
ندخلوه للفرن و نراقبوه غير ينشف و يتغير لونو للوردي الفااااااااااااتح
نخرجوه من الفرن و نخلوه يبرد
نضعه في الخلاط كهربائي و نضع كل العطراللوز المتبقي و قشور الليمونات الي استعملنا العصير تاعهم و يطحن الكل
____________________
*الطريقة الثانية:
كيلو كاوكاو مقشر و مرحي نضعه في الكسكاس
نضع في القدر الماء +4 او 5 ليمونات مقطعين على4 +علبة صغيرة لافاني
نغلق على الكسكاس ونخليه يفور ثم نضعه في صحن كبير نحلو بين اليدين كما الطعام ونفور مرة ثانية ونعيد نفس العملية و نفور الثالثة
بعد ما يبرد نضعه في ورق المطبخ و نغلق عليه ونضع فوقه ثقل مثل قارورة ماء مملوءة ونخليه يبات في الصباح نلاحض انه اخرج كمية من الزيت هكدا نتحصل على لوز حقيقى يوضع في علبة بلاستيك محكمة الغلق و يدخل الى المجمد الى حين الاستعمال
