السلام عليكم
صباحكم/مساءكم شهد وورد
انا شاء الله اخبارك بخير
راني حابة مساعدة الي يحب يدير الخير على وجه ربي
وماذا بيا اليوم قبل غدوا
اني حابة نعرف كيفاش يتم التداوي بالاعشاب من مرض السكر الله يعافيكم
انسانة عزيزة عليا بزاف راهي مريضة بهذا المرض
وراني حابة تعاونوني
بيان سير لازم لي يعاوني يكون مجرب
هكذا باه مانغامروش
بليـــــــــــــــــز عاونوني
اذا اي واحد عندو واحد يعرفو وجرب ورتاح منو يقولي
وربي يجازيكم ان شاء الله
سلآم
اهلا بك الاخت السائلة وبارك الله فيك على مساعدة هذه المريضة شفاها الله
اولا انا اعمل في السلك الطبي وبحكم احتكاكي بالمرضى كثيرا فانني دائمة السؤال عن احوالهم وخصوصا الذين يعانون من الامراض المزمنة ،
المهم للرد على سؤالك فانني استطيع ارشادك لوصفة جد سهلة ولا تكلف الكثير وهي كما يلي
هناك نبتة اسمها البصيلة وتتكون من اوراق تشبه اوراق نبتة الكاويتشو او المطاط وجذرها عبارة عن بصلة كبيرة تشبه حبة البصل وهي نبتة متواجدة بالغابات ،في مدينة المدية يقولولها نبتة الفرعونة.
لما تتحصلي عليها قومي بتقشيرها وتقطيعها مثل البصل (استعملي البصلة فقط اي الجذر )،وتاخدي لتر واحد من زيت الزيتون وتضعي فيه هذاك البصل وتتركيه يغلي لمدة طويلة لكن على نار باهتة ولما تلاحظي بان البصل ذبل كلية ،قومي بتصفية الزيت بقطعة شاش او قماش واحتفظي بذلك الزيت في قارورة مغلقة اما البصل فارميه
بعد يومين تستطيعي استعمال ذلك الزيت بشرب ملعقتين او ثلاث في اليوم وتداومي لفترة وستلاحظي الفرق
اذا كان المريض جديد العهد بالمرض فان النتيجة ستكون ايجابية باذن الله والله اعلم
لكن ما اوؤكده هو ان هذه الوصفة استعملها احد المرضى وهو مصاب بمرض السكر وكانت النتيجة مذهلة مما جعل الطبيب المداوي لا يصدق واعاد التحاليل مرات ومرات وفي مراكز مختلفة لكن النتيجة بقيت ثابتة.
اتمنى ان تشفى مريضتك ومرضى المسلمين
جزآك الله خيرا ختي نانا
على الوصفة
ان شاء الله نجربوها وتكون النتيجة ايجابية
والله ماتقدري تتصوري شحال فرحتني بردك يا الغالية
ربي يحفظك ويخليك لوالديك ويعطيك ماتتمناي
والمريضة ان شاء الله ربي يشفيها
ويشفي جميع مرضانا المسلمين
وراهي تدعيلك بالخير
واي واحد عندو وصفة اخرى بليــــــــــــــــــــــز
يقولي عليها
راني نستنى فردودكم
وجزاكم الله خيرا
معليش نانا رايحة نتعبك معايآ
راني حابة نعرف المقادير برك وزيدي وضحي شوية
على خاطر احنا جامي جربناها ومعلاباليش كيفاش نديروها
اعطيني كمية الزيت والبصيلة
بليز حبيبة راني نستنا
اهلا بك خولة على ما اظن
المهم هذه الوصفة عملتها انا في المنزل واعطيتها لمرضى وكانت نتيجتها مفرحة
اما المقادير فانا عملت لتر زيت زيتون وغليت فيه نصف بصلة لمدة تقريبا 4 ساعات على نار قليلة ومن بعد صفيتها بقطعة شاش
اما البصيلة فلما اجد صورتها ساضعها لك لتتعرفي عليها،واذا لم اجدها في النت فانني فور الحصول عليها ساضعها لتريها
مع خطوات طريقة التحضير باذن الله
ونزيد نقولك بان هذه النبتة عندها مفعول كبير ولذلك فهي مطلوبة كثيرا من الخارج
اتمنى ان تكوني قد استوعبت الطريقة واذا كان عندك سؤال فلا تترددي ،انا هنا لاجابتك
في امان الله
ميرسي نانا
انا ثاني حبيت نشوفها فالنت مي مالقيتهاش
واليوم رحت لبائع الاعشاب قالي معندناش هاذي النبتة
اذا قدرتي ابعثيلي صورتها
هكذا باه نعرفها واحنا نحاولوا ندبروها باذن الله
والله يا ختي غير ماننسى معروفك معايا
ربي يخليك ويحفظك ان شاء الله
والوالدة راهي تدعيـــــــلك بالخير
ما يكون غير خاطرك اختي ضرك نحاول نتصل باش يجيبوهالي ونصورها ونحطهالك ،واذا ما قدرتيش تدبريها نبعثهالك عن طريق البريد ان امكن
هاهي الصور من كل الجهات لكي تستطيعي التعرف عليها
ووهذا الجزء من النبتة هو الذي يقطع الى قصع صغيرة جدا ويطهى في الزيت ،لكن يجب ان ترتدي قفازات قبل ان تبدئي في العمل وهذا واجب
يعطيك الصحة نانا
نورمالمو راني لقيتها سي بون مي ماشي فسطيف
دبروهالي مي قالولي اسمها البصايل ماشي البصيلة
رايحة نجرب نشاله
ربي يحفظك ختيتو
كثر خيرك بزااااااااااف
جامي ننسى لبليزير لي درتي فيا
