و كما سبق لي ذكره في موضوع
مرحلة مرحلة
فإني اليوم قد جئتكم بالقطعة الأصغر المعمولة من الكروشي
إليكم صور مراحل تصميم القطعة
و هذه هي القطعة في النهاية
و هذه هي القطع الثلاثة كاملة
أتمنى أن تكون هذه القطع نالت إعجابكم
و الشرح كان واضحاً
اهلا كلثومة وصح عيدك وكل عام وأنت بالف خير
القطع صراحة جميلة جدا وان شاء الله نخم كيفها
واصلي تألقك و ربي يحفظك وويوفقك .
الله يسلمك ويخليك صح عيدك و كل عام و أنت بخير
مشكورة على كلمات الإطراء
و إن شاء الله أشوف من إديك الحلوين أعمال أحسن بكثيــــــــــــــــــــر
والعين الواحدة ما نجي نلفها حتى يطيروا عينيا ……. معاناة ما بعدها معاناه …….
ونحسد كل يد تصنع مثلها مثل يديكم ربي يكملكم إن شاء الله ماشاء الله
ما تحسدينا ما والو
راهم كاين مواضيع فيهم دروس في مبادئ الكروشي تقدري تطلعي عليهم
و هي:
إن شاء الله أكون وُفِّقفت في توضيح بعض مفاهيم الكروشي
و هناك دروس أخرى إن شاء الله
رحت حليتو باه نعدلو تحلي كامل وملقيتش العقدة تاعو
في رايك وش صرا؟؟؟؟؟؟؟؟؟؟؟؟؟
حبستو هه لانو والله انا شخصيا دائما تعكسلي معاه
كي نريح ويروح الزعاف تاع اللي غلطت نعاود نحله و نخدمه من جديد
و فيما يخص le napperon اللي بقدرة قادر تحول إلى عراقية
هذاك بسبب الأدوار
نبقى مع الصورة
( الدور 7 ) لو تحسبي شحال من مربع خادمين من نقطة بداية السهم الأحمر إلى نقطة نهايته تلقاي 7
( الدور 8 ) و لو تحسبي شحال من مربع خادمين من نقطة بداية السهم الأصفر إلى نقطة نهايته تلقاي 8
يعني لو عملتي نفس حساب الدور 7 في الدور 8 يولي le napperon كيما نقولو يتغرف ( على شكل غرفية )
أتمنى أن يكون الشرح واضحاً
و إذا فيه أي استفسار راني هنا
اقتباس 
|
بارك الله فيكي كلثوم تعرفي جربت واحد مثل تاك ولكن مع الخير اخطأت ورحت شبحتو خرج مثل العراقية ههههههههه
رحت حليتو باه نعدلو تحلي كامل وملقيتش العقدة تاعو
في رايك وش صرا؟؟؟؟؟؟؟؟؟؟؟؟؟
حبستو هه لانو والله انا شخصيا دائما تعكسلي معاه:emppack3_8:
|
ما تزعيش نجووومة اللي يخدم الكروشي لازم يكون صبور، والبركة ي كلثومة راها شرحتلك السبب اللي
خلا النابرون يولي عراقية
والعراقيه اللي خدمتيها لا متسحقيهاش ابعثيهالي راني نحتاجها………هههههههههه .
مشكورة على المرور الطيب و الرد الأطيب
و إذا كنتي محتاجة عراقية نبعثلك مكاش مشكل
تفضلي
من الجانب
من فوق
هذه فقط عينة
و انتظروني إن شاء الله في موضوع خاص بمراحل عمل عراقية و بالصور
العراقية
وراني ننتظر في الدروس بفارغ الصبر
ربي يخليك لينا .
