أرجو المشاركة . جاوب فقققققط

بسم الله الرحمن الرحيم ..

-أم تتركـ كآمل الحرية والإختيار للفتاة ؟

-هل تقبلين الزواج برجل مدخن ؟
طبـــعا لا ولن اقبل ..

-هل ترفضين الزواج من مدخن فقط لأنه مدخن ام لديكـ أسبآب أخرى ؟
والله انو يكون مدخن يصعب عليا اني نقبلو راه يضر في روحو وفينا كاامل ..ديجا الريحة تاع السيجارة برك تقتل
المدخن يكون عصبي وديما يعيط(مَيْوَالَمْنِيـــــــــــــش)
وزيد علاه نربط روحي مع شخص يحب السيجارة اكثر مني ..مع انو يعرف مضارها عليه وعلى الناس ماتركهاش ..
انا لن اقبل به

-هل تقبلين الزواج برجل مدخن ؟
مانقبلش….. علاه واش يضمنلي مثلا اذا قبلت بدخانو يخرجلي خرجة جديدة ونفيق بلي راهو يزطل
وبعدها يقتل ………لالالالالا هادي برك مانديرهاش سامحوني

-أم ترفضين الزواج من مدخن فقط لأنه مدخن ام لديكـ أسبآب أخرى ؟
اكيد نرفضو برك مناه يتكيف
.
.
.
.
.
.
.
.
.
.
.
.
.
.
.
.
.
.
.
شكرا خليفة على هاد الموضوع وماتخافش الفتاة كي تحب صح تقدر تتنازل على كلش
سلام

شكرا على المرور الطيب إيمان..
يسرى و الله أنت جاوبتي قبل ما تسألي….
بس رح قولك لانك عزيزة….خخخخ
كلنا يعرف نسبة المدخنين في بلادنا العربية…..
رجل لا يصلي… أخر أخلاقه مش…..
يعني نسبة العنوسة….. وفهمكم كفاية…
شكرا مرة أخرى
تحياتي

يا خليفة درك في هادي عندك الحق بصح واش رايحين نعملو
اصلا ماعلاباليش علاه راكم عاشقين فيه مع انو مافيه حتى بنة
اي والله ريحتو برك تخنق
وزيد علاه ماش يا وليدي انت جاي تخطب بنتي يعني يا بنتي يا الدخان وانت اختار
ههههههههههههههههههههه ماعليش لكن والله ما عندها حتى حل

دوما جريئة والله إيمان…
لالا نختار بنتك أكيد….هههه
بس أنا مو مثل الباقي ….
كيان يحس روحو عم ينعاب… يقولك خلي بنتك عندك… الدخان خير……..

ههههههههه المشكل كل شباب الجزائري مدخن يعني مكانش لي يزوج

السلام عليكم
و شكرا على هذا الموضوع
بالنسبة لي أكبر سبب يخليني مانقبلش بواحد مدخن بغض النظر عن الرائحة اللي مانطيقهاش هو أني مانقدرش نشوفو في المستقبل (إذا ربي طولنا في اعمارنا) يتعذب بسبب هاذ الدخان
شايفة ياسر حالات لناس وصلوا لحالات خطيرة و حتى للسرطان -عافانا الله و إياكم- بسببه، و حتى ماعادوش يقدروا يتكلموا
صح كي يكون jeune ماراحش يحس بالمخاطر نتاوعو بصح كي يكبر يشوف
donc علاه نقبل بيه و نقعد طول حياتي خايفة كاشما يصرالو.
صح كاين ياسر أمور مش مليحة تصرالنا في حياتنا بصح هاديك أمور ماعندناش دخل فيها يعني حنا مانتحكموش فيها .. بصح المدخن هو لي جايب البلا لعمرو … يعني ماشي يدخن و إذا مرض يقول حاجة ربي …
أنا هذا هو رأيي….

العنوسة طبعا مشكل ادا رفضت كل بنت من يتقدمون اليها بسبب التدخين ..ادا المشكل ليس فاي لبنت بل في الرجل ..
وكما قالت العزيزة ايمان واش يضمنلي انو مايخرجش بحاجة خلاااف ..اواااه
يعني فضو الرجال باه ناخد واحد متعلق بكاغط وشوية حشيش!!

وشكراا لك الاطراء وشكراا مجددا على طرح الموضوع القيم ..

أنا وبكل صراحة التدخين ما هوش سبب يخليني نرفض شخص نشوف أنني نقدر نتعايش معاه ونتفاهم معاه
على خاطر راني نشوف مدخنين ما عندي ما نقول فيهم عيبهم الوحيد هو التدخين
وكيما كاين اللي يدخنوا بزاف كاين ياسر اللي يقدروا يستغناو على التدخين
والمرأة أو بالاحرى الزوجة عندها تاثير كبير على الزوج وتقدر تخليه يكره الدخان والمدخنين
وأنا طبعا بعدما نقبل بيه
رايحة نعاونوا باه يتخلص من التدخين
و مالا في رايكم المدخن اللي ما يلقاش اللي يعاونوا باه يتخلص من التدخين يعيش طول حياتوا هكذا

شكرا خليفة على الموضوع .