كرهت الدنيا مبعد وش صرى فيا .عاونوني

السلام أنا مشكلتي مع بنت عمي لي كانت كي ختي و تربينا مع بعض و كانت أسرارنا مع بعض و كي كبرنا مازلنا أحباب و نهار لي تخطبت نساتني ف غمضة عين و نحاتني من ذاكرتها بكل بسلطة و ما همها والو و نهار لي عاتبتها فضحت أسراري ل والد تاعها صافي عمي و نهار راح عمي حكى ل والد تاعي على أسراري وصلو قااااااااااع الهدرة لي كانت بيني و بين بنت عمي و ضورك سايي قاااااااع هذيك المحبة راحت و ما حضرتش للعرس تاعها و كرهت كاااااااااااامل لأعراس و ما نيش نروح للأعراس خاطر هي كانت توأم روحي و كي راحت دمرتلي الثقة ف روحي و زادت دارت عرسها نهار عيد ميلادي

ماكاين والو نحيها من بالك وعيشي حياتك كيما تبغي وانسايها

شكرا لك والله راني بديت ننساها

يعني على جالها تحولي حاتك لجحيم

الناس ما تنقعش معاهم المودة و المحبة
و الثقة خلاص راحت و اسرارك ما تقوليهم لحت حد يعود يصارك كيما صرا مع بن عمك الناكرة للجميل

شكرا لك على النصيحة

ملازمش تخممي فيها بزاااف ..وكما هي راها تعيش في حياتها
عيشي ونحي من بالك كلشي

ربي يوفقك اختي ويحققلك كل أمانيك

معاه حق الاخ

والله ماعندي مانقولك
انسايها كيما نساتك
وماديري والو في بالك
واعرفي بلي راه كاين ربي
ويسلك ..

كامل كرهنا الدنيا ماشي غير انت

لي بدلك بالفول بدليه بجدورو ماهيش بقشورو
راه تبدلت أسمحلي