بسم الله الرحمن الرحيم
السلام عليكم و رحمة الله تعالى و بركاته
من عنوان الموضوع، يتضح المغزى
لم أستطع تصديق ما رأيته صباحا عندما لم يحضر الأساتذة
فبعد التهديدات و الوعيد، اقتنعت فعلا بأن الإضراب سيتوقف
ماذا عنكم أنتم؟
هل توقف الإضراب عندكم؟
فحسب الجرائد صباحا فإن الإتحاد الوطني لعمال التربية و التكوين
(لونباف) توقف عن الإضراب بينما الكنابست مازال في إضراب
ما هي نسبة الاستجابة لنداء مواصلة الإضراب عندكم؟
بما أنو عندكم إضراب كامل عندنا إضراب
لكن … مشي كامل عندهم أختي رقية
البعض دايرين و البعض لالا
المشكل إذا كان عام أبيض
ودي….
مشكور على الإستجابة
"العام لبيض" اللي مخوفنا كامل
ربي يستر
و الله نحن بالمثل أخت رقية
حتى الاساتذة الذين لمو يضربوا أضربو اليوم
اقتباس 
|
صباح الخير خويا محمد
مشكور على الإستجابة "العام لبيض" اللي مخوفنا كامل ربي يستر
|
صباح النور رقية واش راكي
ما تخافيش أختي رانا كامل خايفين ههه
لكن صراحة ماكان والو غير العام الأبيض لي ماكاش
و لا راح يصرا هراج كبير في الجزائر و تصرى فوضى عظيمة
المهم نتمنى التوفيق للجميع
و السلام عليكم
"ربي يستر"
مشكورة أختي ذرصاف على مرورك العطر و ردك الزكي
اقتباس |
صباح النور رقية واش راكي
ما تخافيش أختي رانا كامل خايفين ههه لكن صراحة ماكان والو غير العام الأبيض لي ماكاش و لا راح يصرا هراج كبير في الجزائر و تصرى فوضى عظيمة المهم نتمنى التوفيق للجميع و السلام عليكم |
لاباس. الحمد لله. السوال عليك
اقتباس |
ههههههه. مليحة هاذي. منها طمن فيا و منها تخلعني
لاباس. الحمد لله. السوال عليك
هو الواحد يجي يخمم فالحكاية
* * ما تصراش سنة بيضاء * *
لكن حنا مخلصينها مخلصينها
و ملي كنا رايحين نقراو حتى لجوان
على حساب الحطة رايحين نقراو حتى لسبتمبر الجاي
مبروووووووك علينا
|
واش حابة ديري أختي رقية
هذي هي بلادنا كيما يقولو يهر و ما ياكلش
حاشا لي ما يشتاهلهاش
يعني يقولو نحبسوكم من الخدمة لي ما يقريش
و بالتالي ماكان ماكان و حنا رحنا في الجرة
و كيما قلتي القراية حتى لسبتمبر نظن و الله أعلم ههه
و زيد يسمونا البروgـرام ما يكملش باينة هذي
يعني العام الجاي الباك نروحولو حابسين
ماعليش ربي يستر برك
بالتوفيق
اقتباس |
واش حابة ديري أختي رقية
هذي هي بلادنا كيما يقولو يهر و ما ياكلش حاشا لي ما يشتاهلهاش يعني يقولو نحبسوكم من الخدمة لي ما يقريش و بالتالي ماكان ماكان و حنا رحنا في الجرة و كيما قلتي القراية حتى لسبتمبر نظن و الله أعلم ههه و زيد يسمونا البروgـرام ما يكملش باينة هذي يعني العام الجاي الباك نروحولو حابسين ماعليش ربي يستر برك بالتوفيق |
واش تحب. . . هكا حكموا علينا. و نهار النتيجة "المنفخة"
تاع الباك،،، يحطو رواحهم دارو حاجة بالإصلاحات "تاعهم"
* * لوكان جيت منهم. . . نحفظ ماء الوجه و نستقيل * *
ولادهم فالخارج يتمتعوا و حنا "مساكن" فئران تجارب
ربي يهدي ما خلق
السلام عليكم
ونحن في عطلة صيفية ، ما شاء الله علينا قاعدين نتفرجو في المستقبل الضايع.
لكان كيما سمعت كاين سيام في دائرة قريبة منا قالولهم روحو ما ترجعوش حتى لجوان .واش رايكم ؟؟ نكتة العام .هههههههههه
ما لقيت واش نقول واش نهدر نبكي ولا نضحك على هذا العام الي ما فهمنا لا رانا نقراو ولا ما نقراوش
المهم شكرا اختي رقية على طرح الموضوع وللاخ محمد علىاخبارنا بما يحدث عندهم
دمتم سالمين.
بانتضاركم.
